uzluga.ru
добавить свой файл
  1 2 3 4 ... 6 7
Темаысь вöзъяна литература:

  1. Безносикова Л.М., Айбабина Е.А., Коснырева Р.И. Коми-роч кывчукöр./ Л.М.Безносикова, Е.А.Айбабина, Р.И.Коснырева.- Сыктывкар: Коми кн. изд-во, 2000.

  2. Карманова, А.Н. Öнiя коми кыв. Лексикология: Велöдчан небöг. / А.Н.Карманова.- Сыктывкар: Изд-во СыктГУ, 2004.

  3. Современный коми язык. Лексикология. - М.: Наука, 1985.

Содтöд литература:

Безносикова, Л.М. Полисемия / Л.М.Безносикова // Коми кыв. Энциклопедия. Сыктывкар, 1998. - С. 362 – 363.


Асшöра уджалöм:

- Тöдчöдöй кыв уна вежöртаса эмакывлысь тэчассö, тыдовтöй да гöгöрвоöдöй вежöртаъяскостса йитöдъяссö, индöй полисемия сикассö:

1) вом пытшса вир-яй юкöн, помланьыс нюжалан да ёсьман пертаса, сёян няклялöм вылö да шыяс артмöдöм вылö;

2) нюжалан да ёсьман пертаса мыйкöтор, шуам, “Кöдзыд гыяс кöдзыд кывъясöн кутiсны нювны дояинъяс” (Ытва, 1987: 235);

3) предмет пытшкöсса кузьмöс пертаса юкöн, шуам, “Кöлöкöльняын кокъяссö паськöдöмöн сулалö да кыкнан кинас бовйöдлö жыннян кывсö Пантиль”;

4) шы сетны кужанлун, сёрнитны кужанлун, сёрни, шуам, кывйыс быри;

5) сёрни единицаяслöн öтувъя тэчас, шуам, коми кыв, сёрнитны мича кывйöн;

6) торъякыв, лексема.

Öткодялöй кыв уна вежöртаса эмакывлысь словарнöй статьяяссö 1961 да 2000 вося комиа-роча кывкудъясысь, гöгöвоöдöй налысь торъялöмсö. Кутшöм видзöдласö тi кутчысянныд асьныд? Мыйла?

Уджлöн могыс – вынсьöдны тöдöмлунъяс лексикаа полисемия йылысь, зумыдмöдны кужöмъяс полисемантлысь лексико-семантическöй тэчассö гöгöрвоöдöмын, туялана мытшöд пуктöмын да петан туй вöзйöмын.

Контроль формаяс: 1) практическöй занятие вылын вöчöм удж серти кывкöртöдъяс кывзöм; 2) торъякывлысь тырвыйö анализ вöчигöн полисемантлысь вежöртас вариантсö гöгöрвоöдны кужöм, сылысь сикассö индыны кужöм; 3) контрольнöй уджын 1 №-а вöчантор; 4) экзамен юалöмъяс «Öти да уна вежöртаса кывъяс тöдчöдöм. Торъякывлöн лексико-семантическöй тэчас. Полисемия сикасъяс. Полисемия кыдз кыввор сöвман туйвизь», «Полисемант вежöртас вариантъяс, налöн сикасъяс».

Асшöра уджалöм вылö литература:

  1. Безносикова Л.М., Айбабина Е.А., Коснырева Р.И. Коми-роч кывчукöр./ Л.М.Безносикова, Е.А.Айбабина, Р.И.Коснырева.- Сыктывкар: Коми кн. изд-во, 2000.

  2. Карманова, А.Н. Öнiя коми кыв. Лексикология (спецкурсысь учебнöй пособие) / А.Н.Карманова. - Сыктывкар, 1991.

  3. Карманова, А.Н. Öнiя коми кыв. Лексикология: Велöдчан небöг. А.Н.Карманова. - Сыктывкар: Изд-во СыктГУ, 2004.

  4. Коми-русский словарь. - М.: Гос. изд-во иностранных и национальных словарей, 1961.


5 тема. Торъякывъяслöн веськыд да вуджöдöм вежöртасъяс. Метафора да метонимия кыдз ним сетан позянлунъяс (вторичнöй номинация). Метафора, метонимия да синекдоха сикасалöмъяс. Метафоралöн да метонимиялöн художествоа сёрниын тöдчанлун.

Студентлы колö тöдны, кыдзи öнiя кывтуялöмын видлалöны метафора да метонимия кыв петкöдчöмъяс, сикасъяссö да художествоа гижöдъясын тöдчанлунсö.

Студентлы колö кужны:

- гöгöрвöдны метафоралысь да метонимиялысь пытшкöслунсö;

- индыны метафоралысь либö метонимиялысь сикассö;

- гöгöрвоöдны кывлöн тайö петкöдчöмъяслысь тöдчанлунсö эмторъяслы нимъяс сетöмын да художествоа гижöд мöвпъяс сöвмöдöмын.

Темаысь вöзъяна литература:

Карманова, А.Н. Öнiя коми кыв. Лексикология: Велöдчан небöг. / А.Н.Карманова.- Сыктывкар: Изд-во СыктГУ, 2004.

Содтöд литература:

Современный коми язык. Лексикология. - М.: Наука, 1985.


«Торъякывъяслöн веськыд да вуджöдöм вежöртасъяс» темаысь практическöй удж.

Уджъяс вöчöм. Уджъяслöн могыс - велöдны торйöдны метафораа да метонимияа вежöртаса торъякывъяс, кужны индыны метафораыслысь либö метонимияыслысь сикассö.

Темаысь вöзъяна литература:

Карманова, А.Н. Öнiя коми кыв. Лексикология: Велöдчан небöг. / А.Н.Карманова.- Сыктывкар: Изд-во СыктГУ, 2004.

Содтöд литература:

Современный коми язык. Лексикология. - М.: Наука, 1985.


Асшöра уджалöм:

Туялана удж. Художествоа гижöдъясысь аддзыны метафораа да метонимияа вежöртасын паныдасьлысь торъякывъяс, индыны метафора да метонимия сикассö, гöгöрвоöдны, кутшöм художествоа мог, тöдчанлун найö босьтöны художествоа гижöдын.

Контроль формаяс: 1) чукöртöм кыв материалсö да сы серти анализ-видлалöмсö, торъя дон вылö видзöдö-прöверяйтö велöдысь; 2) торъякывлысь тырвыйö анализ вöчигöн вуджöдöм вежöртас сикас индöм; 3) экзамен юалöм «Торъякывъяслöн веськыд да вуджöдöм вежöртасъяс. Вуджöдöм вежöртасъяслöн артмöм-сöвмöм. Художествоа гижöдъясын тöдчанлун»; 4) контрльнöй уджын 3-öд №-а вöчантор.

Асшöра уджалöм вылö литература:

  1. Безносикова Л.М., Айбабина Е.А., Коснырева Р.И. Коми-роч кывчукöр./ Л.М.Безносикова, Е.А.Айбабина, Р.И.Коснырева.- Сыктывкар: Коми кн. изд-во, 2000.

  2. Карманова, А.Н. Öнiя коми кыв. Лексикология: Велöдчан небöг. / А.Н.Карманова. - Сыктывкар: Изд-во СыктГУ, 2004.


3 юкöд. Торъякывъяслöн вежöртас боксянь йитöдъяс.

1 тема. Коми кывйын омонимъяс, налöн сикасъяс. Öткодь шытэчаса да уна вежöртаса кыв вежöртас вариантъяс торйöдöм. Омонимъяслöн лоöм-артмöм. Сёрниын налöн тöдчанлун. Художествоа гижöдъясын омонимъясöн вöдитчöм.

Студентлы колö тöдны, мый сэтшöмыс омоним, мыйöн сiйö торъялö уна вежöртаса торъякывйысь, мый лоö тайö торъялöм подулас, кутшöм туйясöд сöвмисны омонимъяс коми кывйын, кутшöм ин найö босьтöны сёрниын да художествоа гижöдъясын.

Студентлы колö кужны:

- гöгöрвöдны омонимиялысь подувсö,

- индыны омоним сикассö,

- гöгöрвоöдны омонимъяслысь тöдчанлунсö художествоа гижöдын.

Темаысь вöзъяна литература:

Карманова, А.Н. Öнiя коми кыв. Лексикология: Велöдчан небöг. / А.Н.Карманова.- Сыктывкар: Изд-во СыктГУ, 2004.

Содтöд литература:

Современный коми язык. Лексикология. - М.: Наука, 1985.


«Коми кывйын омонимъяс» темаысь практическöй удж.

Уджъяс вöчöм. Уджъяслöн могыс - велöдны сикасавны омонимъяссö да кужны гöгöрвоöдны налысь тöдчанлунсö художествоа гижöдъясын.

Темаысь вöзъяна литература:

  1. Карманова, А.Н. Öнiя коми кыв. Лексикология: Велöдчан небöг. / А.Н. Карманова. - Сыктывкар: Изд-во СыктГУ, 2004.

  2. Современный коми язык. Лексикология. - М.: Наука, 1985.


Содтöд литература:

Прокушева, Т.И. К вопросам омонимии в коми языке /Т. И. Прокушева // Вопросы лексикологии и словообразования коми языка / Тр. Ин-та языка, литера­туры и истории Коми филиала АН СССР. - Вып.31. - Сыктывкар, 1984.- С.38-54.

Асшöра уджалöм:

- Сетöм тэчасъяссьыс индöй полисемантлысь вежöртас вариантъяссö да торъякыв-омонимъяссö, мöвпнытö гöгöрвоöдöй:

чöскыд кöр – олан кöр – ыджыд сюра кöр;

сук вöр – некыт оз вöр – керка вылö вöр.

- Сетöм кывбур юкöнас торйöдöм торъякывъяс дорас вайöдöй öткодь шытэчаса кывъяс, гöгöрвоöдöй налысь вежöртассö, индöй сикассö:

Камаысь кыркöтшсянь, кöн джуджыд йир,

Кыскыны мыкöс моз кык пудъя сир,

Йöралысь ки пöвнас бертовтны сюр,

Ошлысь кос кабырнас жугöдны юр.

Дзор коз пу нетшыштны вужнас

Сы кындзи некод эз кужлы (Илля Вась)

- Кывкудъясöн уджалöм. Гöгöрвоöдöй, кыдзи петкöдлöма омонимъяссö комиа-роча кывкудйын да коми омонимъяс кывкудйын, мыйöн найöс тöдчöдан ногыс торъялö уна вежöртаса торъякывъяс петкöдлöм-тöдчöдöмысь. Бöрйöй некымын омоним да сикасалöй найöс.

Уджъяслöн могыс:

- сöвмöдны кужанлун торйöдны уна вежöртаса кывлöн вежöртас вариантъясысь торъякыв-омонимъяс, гöгöрвоöдны тайö торйöдöмсö;

- сöвмöдны кужанлун сикасавны омонимъяс;

- велöдны уджавны кывкудъясöн, аддзыны кывкудъяслысь торъялöмсö, торъякыв сетан принципъяссö.

Контроль формаяс: 1) вöчöм уджъяс серти практическöй занятие дырйи юöртöмъяс кывзöм, на йылысь сёрнитöм; 2) торъякывлысь тырвыйö анализ вöчигöн омоним вайöдöм, сылысь сикассö индöм; 3) экзамен юалöм «Коми кывйын омонимъяс. Полисемичнöй кывъясысь торъялöм. Омоним сикасъяс. Художествоа гижöдъясын тöдчанлун».

Асшöра уджалöм вылö литература:

  1. Айбабина, Е.А., Безносикова, Л.М. Словарь омонимов коми языка. /Е.А.Айбабина, Л.М.Безносикова. - Сыктывкар: Коми кн. изд-во, 1993.

  2. Безносикова Л.М., Айбабина Е.А., Коснырева Р.И. Коми-роч кывчукöр./ Л.М.Безносикова, Е.А.Айбабина, Р.И.Коснырева.- Сыктывкар: Коми кн. изд-во, 2000.

  3. Карманова, А.Н. Öнiя коми кыв. Лексикология: Велöдчан небöг. / А.Н.Карманова.- Сыктывкар: Изд-во СыктГУ, 2004.


2 тема. Лексико-семантическöй парадигматика тöдчöдöм. Синонимъяслöн сикасъяс. Синоним рад йылысь тöдчöдöм. Уна вежöртаса кывъяс да синонимъяс. Сёрниын синонимъяслöн тöдчанлун, коланлун, налöн чужöм-артмöм да паськалöм. Художествоа гижöдъясын синонимъясöн вöдитчöм.

Студентлы колö тöдны лексико-семантическöй парадигма сикасъяс. Велöдчысьлы колö сöвмöдны зумыд тöдöмлунъяс синонимия йылысь, синоним рад йылысь, синонимъяслöн артмöм йылысь да сёрниын налöн тöдчанлун йылысь.

Студентлы колö кужны:

- сикасавны синоним рад артмöдысь синонимъяссö;

- гöгöрвоöдны, кыдзи сöвмöны синонимъяс уна вежöртаса кывъяслöн;

- тöдчöдны синонимъяслысь художествоа текстъясын функциясö;

- уджавны синонимъяс кывчукöрöн.

Темаысь вöзъяна литература:

Карманова, А.Н. Öнiя коми кыв. Лексикология: Велöдчан небöг. / А.Н.Карманова.- Сыктывкар: Изд-во СыктГУ, 2004.

Содтöд литература:

Современный коми язык. Лексикология. -М.: Наука, 1985.


«Лексико-семантическöй парадигматика тöдчöдöм. Синонимия» темаысь практическöй удж.

Уджъяс вöчöм да кывкудйöн уджалöм. Уджъяслöн могыс - велöдны сикасавны синонимъяссö, гöгöрвоöдны налысь тöдчанлунсö художествоа гижöдъясын да кужны уджавны синонимъяс кывкудйöн.

Темаысь вöзъяна литература:

  1. Безносикова, Л.М., Айбабина, Е.А., Забоева, Н.К. Коми синоним кывчукöр./ Л.М.Безносикова, Е.А.Айбабина, Н.К. Забоева. - Сыктывкар: Коми кн. изд-во, 2002.

  2. Карманова, А.Н. Öнiя коми кыв. Лексикология: Велöдчан небöг./ А.Н.Карманова. - Сыктывкар: Изд-во СыктГУ, 2004.

  3. Современный коми язык. Лексикология. - М.: Наука, 1985.

Содтöд литература:

  1. Безносикова, Л.М. Синонимический ряд / Л.М.Безносикова // Коми язык. Энциклопедия. - М., 1998. - С. 426.

  2. Безносикова, Л.М. Синонимия / Л.М.Безносикова // Коми язык. Энциклопедия. - М., 1998. - С.426 – 428.

  3. Безносикова, Л.М. Синонимы / Л.М.Безносикова // Коми язык. Энциклопедия. - М., 1998. - С.428 – 429.

  4. Безносикова, Л.М. Энантиосемия / Л.М.Безносикова // Коми язык. Энциклопедия. - М., 1998. - С.578 – 579.


Асшöра уджалöм:

Лöсьöдны «Коми синоним кывчукöр» небöг «Водзкыв» серти план-конспект да бöрйыны синоним радъяс индалысьысь вит синоним рад, синонимъяссö анализируйтны.

Контроль формаяс: 1) вöчöм уджъяс серти практическöй занятие дырйи юöртöмъяс кывзöм, на йылысь сёрнитöм; 2) торъякывлысь тырвыйö анализ вöчигöн синоним вайöдöм, сылысь сикассö индöм; 3) экзамен юалöм «Синонимъяс коми кывйын. Найöс сикасалöм. Синонимъяслöн сöвмöм-лоöм. Художествоа гижöдъясын тöдчанлун» 4) контрольнöй уджын 2-öд №-а вöчантор.

Асшöра уджалöм вылö литература:

  1. Безносикова, Л.М., Айбабина, Е.А., Забоева, Н.К. Коми синоним кывчукöр./ Л.М.Безносикова, Е.А.Айбабина, Н.К. Забоева. - Сыктывкар: Коми кн. изд-во, 2002.

  2. Карманова, А.Н. Öнiя коми кыв. Лексикология: Велöдчан небöг. / А.Н.Карманова. - Сыктывкар: Изд-во СыктГУ, 2004.


3 тема. Коми кывйын антонимъяс. Вежöртас серти сикасалöм. Паныд вежöртаса кывъяс да полисемантъяс. Сёрниын антонимъяслöн тöдчанлун. Художествоа гижöдъясын антонимъясöн вöдитчöм.

Студентлы колö тöдны, мый сэтшöмыс антонимия, антонимия гоз, антоним сикас, кутшöм ин босьтöны антонимъяс художествоа гижöдъясын.

Студентлы колö кужны:

- сикасавны антонимъяссö структура да семантика боксянь;

- гöгöрвоöдны, кыдзи йитчöны антонимъяс да торъякыв-полисемантъяс;

- тöдчöдны антонимъяслысь художествоа текстъясын функциясö;

- уджавны антонимъяс кывчукöрöн.

Темаысь вöзъяна литература:

Карманова, А.Н. Öнiя коми кыв. Лексикология: Велöдчан небöг. / А.Н.Карманова.- Сыктывкар: Изд-во СыктГУ, 2004.

Содтöд литература:

Современный коми язык. Лексикология. - М.: Наука, 1985.


«Коми кывйын антонимъяс» темаысь практическöй удж.

Уджъяс вöчöм да кывкудйöн уджалöм. Уджъяслöн могыс - велöдны сикасавны антонимъяссö, гöгöрвоöдны налысь тöдчанлунсö художествоа гижöдъясын да кужны уджавны антонимъяс кывкудйöн.

Темаысь вöзъяна литература:

  1. Безносикова, Л.М., Ляшев, В.А. Словарь антонимов коми языка./ Л.М.Безносикова, В.А.Ляшев. - Сыктывкар: Коми кн.изд-во, 1992.

  2. Карманова, А.Н. Öнiя коми кыв. Лексикология: Велöдчан небöг./ А.Н.Карманова. - Сыктывкар: Изд-во СыктГУ, 2004.

Содтöд литература:

Современный коми язык. Лексикология. -М.: Наука, 1985.


Асшöра уджалöм:

Вöчны туялана удж, петкöдлыны кывкудъясöн уджавны сямлун: кос (кывберд), босьтны, небзьыны, озыр, сола, кынмыны торъякывъяслысь тыдовтны вежöртас вариантъяссö да вайöдны антонимъяс, индыны, тырвыйö либö абу тырвыйö антонимъяс йылысь мунö сёрниыс. Туялöм петкöдлыны таблицаын:


Торъякыв

Вежöртас вариант

Мукöд торъякывкöд йитчöм

Антоним














Контроль формаяс: 1) гижана уджсö торъя дон вылö видзöдö-прöверяйтö велöдысь; 2) торъякывлысь тырвыйö анализ вöчигöн антоним вайöдöм, сылысь сикассö индыны кужöм; 3) экзамен юалöм «Антонимъяс коми кывйын. Вежöртас сертиыс сикасалöм (тырвыйö да абу тырвыйö). Антонимъяслöн сёрниын тöдчанлун»; 4) контрльнöй уджын 4-öд №-а вöчантор.

Асшöра уджалöм вылö литература:

  1. Безносикова, Л.М. Антонимы и полисемичные слова в коми языке / Л.М.Безносикова // Лексикология и лексикография коми языка / Тр.Ин-та языка, литературы и истории КНЦ УрО АН СССР. - Вып. 41. - Сыктывкар, 1988. - С.31-43.

  2. Безносикова, Л.М., Айбабина, Е.А., Коснырева, Р.И. Коми-роч кывчукöр. / Л.М.Безносикова, Е.А.Айбабина, Р.И.Коснырева. - Сыктывкар: Коми кн. изд-во, 2000.

  3. Безносикова, Л.М., Ляшев, В.А. Словарь антонимов коми языка./ Л.М.Безносикова, В.А.Ляшев. - Сыктывкар: Коми кн.изд-во, 1992.

  4. Карманова, А.Н. Öнiя коми кыв. Лексикология: Велöдчан небöг./ А.Н.Карманова.- Сыктывкар: Изд-во СыктГУ, 2004.


4 юкöд. Коми кывворлы функционально-социальнöй дон сетöм.

1 тема. Вöдитчан тшöкыдлун серти коми лексика видлалöм (активнöй да пассивнöй лексика). Пассивнöй кыввор сикасалöм. Выль торъякывъясöн коми лексика озырмöдöм. Художествоа гижöдъясын пассивнöй кывворлöн бергалöм, сылöн тöдчанлун.

Студентлы колö тöдны, кыдзи видлалöны кывворсö сiйöн вöдитчöм, сылöн функционируйтöм боксяньыс. Медводз колö сöвмöдны тöдöмлун абу дзескыдöм да дзескыдöм кыввор йылысь, дзескыдöм кыввор юклöм-сикасалöм йылысь. Велöдчысьлы колö тöдны, кутшöм сикаса кыввор торйöдöны вöдитчан тшöкыдлун серти, кыдзи гижысьяс вöдитчöны пассивнöй кывворöн, кутшöм сылöн тöдчанлуныс художествоа гижöдас.

Студентлы колö кужны: 1) торйöдны активнöй да пассивнöй кыввор; 2) индыны пассивнöй торъякыв сикас; 3) гöгöрвоöдны пассивнöй кывворö пырысь торъякывлысь художествоа тöдчанлунсö.



<< предыдущая страница   следующая страница >>