uzluga.ru
добавить свой файл
1 2 ... 6 7
ФЕДЕРАЛЬНОЕ АГЕНТСТВО ПО ОБРАЗОВАНИЮ


Государственное образовательное учреждение

высшего профессионального образования

«Сыктывкарский государственный университет»


Филологический факультет

Кафедра «Коми и финно-угорской филологии»


УТВЕРЖДЕНО
На заседании учебно-методической
комиссии факультета
«_____» _______________ 2008 г.
Протокол №____



Председатель УМК

Г.И. Глебко _____________


РАБОЧАЯ ПРОГРАММА


Дисциплины «СОВРЕМЕННЫЙ КОМИ ЯЗЫК. ЛЕКСИКОЛОГИЯ.

ФРАЗЕОЛОГИЯ»
Блок дисциплин ОПД
Специальность ФИЛОЛОГИЯ (НАЦИОНАЛЬНАЯ)

Факультет ФИЛОЛОГИЧЕСКИЙ

Форма обучения ДНЕВНАЯ


Семестр 2

Всего учебных занятий – 128 часов

В том числе:

Аудиторных 64 часа, из них

Лекций – 36 часов

Практических – – часов

Лабораторных – 32 часа

Самостоятельных – 60 часов

Контроль – 2 контрольные работы

Итоговый контроль – экзамен


Сыктывкар 2008

ФЕДЕРАЛЬНОЕ АГЕНТСТВО ПО ОБРАЗОВАНИЮ


Государственное образовательное учреждение

высшего профессионального образования

«Сыктывкарский государственный университет»


Филологический факультет

Кафедра «Коми и финно-угорской филологии»


УЧЕБНО-МЕТОДИЧЕСКИЙ КОМПЛЕКС




Дисциплины «СОВРЕМЕННЫЙ КОМИ ЯЗЫК. ЛЕКСИКОЛОГИЯ.

ФРАЗЕОЛОГИЯ»
Блок дисциплин ОПД
Специальность ФИЛОЛОГИЯ (НАЦИОНАЛЬНАЯ)

Факультет ФИЛОЛОГИЧЕСКИЙ

Форма обучения ДНЕВНАЯ


Сыктывкар 2008

ВЕЛÖДÖМЫСЬ ФЕДЕРАЛЬНÖЙ АГЕНТСТВО


ВЫЛЫС ТШУПÖДА ПРОФЕССИОНАЛЬНÖЙ ОБРАЗОВАНИЕЫСЬ

ГОСУДАРСТВЕННÖЙ ВЕЛÖДАН УЧРЕЖДЕНИЕ

«СЫКТЫВКАРСА КАНМУ УНИВЕРСИТЕТ»


ФИЛОЛОГИЯ ФАКУЛЬТЕТ

КОМИ ДА ФИН-УГОР ФИЛОЛОГИЯ КАФЕДРА


ВЫНСЬÖДА:


Кафедраöн веськöдлысь, ф.д., профессор

___________ В.М. Лудыкова

2008-öд вося ____________ тöлысь «___» лун


«ÖНIЯ КОМИ КЫВ. ЛЕКСИКОЛОГИЯ. ФРАЗЕОЛОГИЯ» дисциплинаысь

УДЖАЛАН ПРОГРАММА

031001 «ФИЛОЛОГИЯ» СПЕЦИАЛЬНОСТЬ СЕРТИ ВЕЛÖДЧЫСЬЯСЛЫ


Коми кыв да литература, роч кыв да литература

специализациялы


Курс: I

Семестр: 2

Ставнас час лыд (учебнöй план серти) – 128 час

на пиысь аудиторнöй – 68 час

Лекция – 36 час

Практическöй занятие – 32 час

Асшöра уджалöм – 60 час

Экзамен


Cыктывкар, 2008

ЛÖСЬÖДÖМА

«Филология» специальностьысь

выпускникöс дасьтан содержание да тöдöмлунъяс тшупöд дорö

Государственнöй требованиеяс серти


ВЫНСЬÖДÖМА УМК-öн

____ №-а протокол

2007 вося __________ «___» лун

УМК-öн веськöдлысь

__________ Г.И. Глебко

Филология факультетлöн декан

____________М.В.Мелихов


Уджтас лöсьöдысьыс – М.В. Чуяшкова, М.С. Федина


Рецензентъяс: Марийскöй госуниверситетысь «Общöй да фин-угор кыв кафедра» (3 №-а протокол 2007 вося ноябр «21» лун); Коми наука шöринысь кыв отдел (3 №-а протокол 2007 вося март «27» лун)

Гöгöрвоöдан гижöд


Öнiя кывтуялöмын öтувтчисны уна пöлöс лингвистика школа да нырвизь. Туялöмас найö тыдовтöны кывлысь торъя юкöнсö, единицасö либö торъя туялан метод. Кывтуялöмлысь татшöм тшупöда тэчассö позьö гöгöрвоöдны кывлöн аслыспöлöс, уна тшупöда, уна йитöда тэчаснас.

Кыв позьö видлавны уна боксянь. Та серти кывйын торйöдöны быдпöлöс кыв единица, а кыв наукаын – асшöр юкöнъяс, кодъяслöн видлалан-туяланторнас лоасны торъя кыв единицаясыс. Кыв единицаяс быд пöрйö кутшöмкö ногöн йитчöны öта-мöдыскöд: öтияс на пöвстысь пырöны мукöдъяслöн составас, тайö мукöдъясыс артмöдöны сьöкыдджык тэчасъяс либö вылынджык тшупöда единицаяс. Фонемаяс, морфемаяс, торъякывъяс, кывтэчасъяс да сёрникузяяс сöвмöдöны кывлысь öтувъялунсö, найö ставныс пырöны кывлöн öтувъя системаас.

Торъякыв лоö кывлöн медшöр единицаöн, та вöсна «Öнiя коми кыв. Лексикология. Фразеология» курс медводз шыöдчö торъякыв йылысь сёрниö, сылысь аслыспöлöслунъяссö тыдовтöмö, сылысь медшöр – нимтан – функциясö тöдчöдöмö. Торъякывйын топыда йитчöмаöсь лексика вежöртас да грамматика вежöртас. Та вöсна торъякывлысь уна пöлöс петкöдчöмсö велöдöмын öтувтчöны и лексика да синтаксис, и лексика да кывартмöм, и лексика да морфология. Тайö туялан тшупöдъясыс топыда öта-мöдыскöд йитчöны, öд сёрни лöсьöдiгöн тайö тшупöдъясас велöданторъясыс öтувтчöны, мöда-мöдтöгыс оз вермыны лоны.Сiдзкö, «Öнiя коми кыв. Лексикология. Фразеология» курс артмöдö зумыд йитöд öнiя коми кыв велöдысь дисциплинаяскöд, сылöн аслыспöлöслуныс – торъякывъяс вежöртасö пырöдчöм, найöс вежöртас боксянь видлалöм.

«Öнiя коми кыв. Лексикология. Фразеология» курс босьтö тöдчана ин коми кыв да лиетартураысь специалистöс дасьтöмын. Курсас пырö лексика да фразеология системаясын медшöр петкöдчöмъясöн да нырвизьясöн тöдмöдöм. Курслöн öткымын юкöнын («Коми кыв лексика чужöм-лоöм серти видлалöм», «Важмöм торъякывъяс») тыдовтчö тшöтш и диахрония нырвизь. «Коми лексикография» юкöдын сёрниыс мунö öнiя коми кывкудъяс йылысь да налöн сöвман туй йылысь. Ыджыд пай босьтö текстъяссö лексика боксянь видлалöмö, уна пöлöс кывкудъясöн уджалöмö велöдöм.

Лексика – тайö абу сöмын торъякывъяс öктöд, а тшöтш и торъякывъяс костын артмысь вежöртаса йитöдъяс, та вöсна лексикология оз велöд öтка торъякывъяс, сылöн велöданторнас лоö кывлöн лексика тэчасыс (системаыс) ставнас.

Коми кывлöн лексика системанас тöдмасьöмыс сетö позянлун пырöдчыны коми торъякывъяслöн аслыспöлöс олöмас. Шуам, ми тöдмалам, мый небöг торъякыв воис индоиран подувкывйысь зэв важöн, кык сюрс во сайын, мый вом торъякыв кутiс водзын ‘розь’ вежöртас, мый öткымын торъякывйöн позьö вöдитчыны сöмын торъя стильын да с.в. Сiдзкö, лексикология курс оз сöмын сет теорияысь шöр тöдöмлунъяс, но и сöвмöдö сёрни культура, торъякывъясöн кужöмöн, гижöда кыв нормаяс серти вöдитчанног.


«Öнiя коми кыв. Лексикология. Фразеология» курслöн теория могъясыс:

- сетны студентъяслы лексикология, лексикография, фразеология велöданторъяс йылысь тöдöмлунъяс, гöгöрвöдны налысь велöдан могъяссö;

- петкöдлыны лексикологиялысь тöдчанлунсö, кыв туялан мукöд юкöнкöд топыд йитöдсö;

- пыдiсянь велöдны торъякывъяслöн лексика вежöртас тшупöдын петкöдчöмъяссö, торъякывъяслысь парадигматика йитöдъяссö;

- тöдмöдны коми кыв лексика сöвмöмöн, öнiя кадся лексикалöн чужöм-лоöмöн, дыр кад чöжöн лоöм вежсьöмъясöн;

- сетны коми кывворлы функционально-социальнöй донъялöм (öтувъя да дзескöдöм кыввор);

- гöгöрвоöдны торъякывъяслысь стилистика рöмъяссö, петкöдлыны налысь торъя стильяслы лöсялöмсö

- быд велöдан юкöдын тöдчöдны сiйö либö мöд кыв петкöдчöмлысь тöдчанлунсö художествоа гижöдъясын;

- тöдмöдны коми кывкудъясöн, тöдчöдны налысь могъяссö, тэчассö, сöвман туйсö;

- велöдны коми фразеологиялысь подувъяссö, петкöдлыны фразеологизмъяслысь тöдчанлунсö коми йöзлöн мöвпаланногас, культура сööвмöмас.


«Öнiя коми кыв. Лексикология. Фразеология» курслöн практика могъясыс:

- кужöмöн вöдитчыны лингвистика терминологияöн;

- велöдны студентъясöс гöгöрвоöдны торъякывлысь лексика вежöртассö, тöдчöдны сылысь тэчассö структурнöй лексикология корöмъяс серти;

- велöдны кужöмöн видлавны торъякывсö вежöртас (парадигматика) йитöдъяс боксянь (тöдчöдны торъякывлысь системаа признакъяссö);

- велöдны видлавны торъякывсö вöдитчöм боксяньыс (вöдитчан тшöкыдлун серти, вöдитчан кытш серти, вöдитчан кад серти);

- велöдны видлавны торъякывъяссö чужöм-лоöм сертиыс;

- велöдны тöдчöдны торъякывлысь стилистика рöмъяссö, функциональнöй стильясын паныдасьлöмсö;

- велöдны уджавны быдпöлöс кывкудъясöн;

- велöдны гöгöрвоöдны фразеологизмлысь вежöртассö, тöдчöдны сылысь системаа признакъяссö, кужны гöгöрвоöдны сылысь грамматика признакъяссö.


«Öнiя коми кыв. Лексикология. Фразеология» курс водзын тшöтш сулалöны и воспитайтан да сöвмöдан могъяс. На пöвстысь позьö торйöдны:

- сöвмöдны студентлысь мöвпалана да туялана сямсö;

- сöвмöдны студентлысь асшöра, творческöя уджавны сямсö;

- сöвмöдны студентлысь ас культура кылöм-тöдöмсö, тайö культураöн мукöдöс тöдмöдны дасьлунсö;

- сетны студентлы позянлун сöвмöдны öтувъя удж, кужны сувтöдны мытшöд да аддзыны петан туйяс;

- сöвмöдны студентлысь кöсйöмсö водзö асшöра тöдöмлунъяс зумыдмöдны, паськöдны (профессиональнöй коланлунъяс серти).


«Öнiя коми кыв. Лексикология. Фразеология» курс дасьтiгöн вöлi подуласьöма «Введение в языкознание» курсын босьтöм тöдöмлунъяс вылö. Кывлöн шöр петöдчöмъясыс да сöвман визьясыс, кодъясöс водзынджык вöлi дженьыда гöгöрвоöдöма, «Öнiя коми кыв. Лексикология. Фразеология» курсын пыдiа видлавсьöны коми кыв материал вылын. Курсын тшöтш мыджсьöма мукöд курсын («Финн-угор кывъяс туялöмö пыртöд», «Öнiя коми кыв. Фонетика») сетöм тöдöмлунъяс вылö.

«Öнiя коми кыв. Лексикология. Фразеология» велöдантор урчитöма медводдза велöдчан воö, мöд семестрö. Дисциплинаысь тöдöмлунъяс студентъяс петкöдлöны экзамен вылын. Велöдчан планын «Öнiя коми кыв. Лексикология. Фразеология» вылö индöма 128 час: 36 час лекция вылö, 32 час практическöя уджалöм вылö, 60 час – асшöра уджалöм вылö.

Тематикаа юклöм







Юкöдъяс да темаяс лыддьöг



Велöдан план серти час лыд

Студентлöн максималь-нöя уджалан час лыд

Аудиторияын удж

Асшöра уджалöм

Ставнас

В том числе

Лекци-яяс

Семи-наръяс

Практич. удж

Лабора-тор. удж

1

1 юкöд. Пыртöд.

1 тема. Лексикологиялöн велöдантор, сылöн аслыспöлöслун. Лексикологияын семасиология да социолингвистика нырвизьяс, кыв туялан мукöд тшупöдкöд йитöд.


4





2











2

2

2 юкöд. Торъякыв кыдз кыввор вежöртаса единица.

1 тема. Торъякыв – кыдз медшöр кыв единица, сылöн признакъяс, шöр функция серти торъякывъяс сикасалöм; торъякыв вежöртас сикасъяс да налöн сюрöсыс.



6






2






2






2




2 тема. Торъякывъяслöн лексика вежöртас. Лексика вежöртасын сигнификативнöй, денотативнöй, прагматика да структурнöй юкöнъяс. Лексема гöгöрвоöдöм. Кыввор вежöртаслöн тэчас. Компонентъяс анализöн торъякывъяс видлалöм.

12




4




4




4




3 тема. Мотивируйтöм да абу мотивируйтöм кыввор. Кывартмöдöмöн мотивируйтöм. Торъякывъяслöн пытшкöсса форма да та серти мотивируйттöм да мотивируйтöм вежöртасъяс торйöдöм. Семасиология да ономасиология торъялöм. Пытшкöсса форма да лексическöй вежöртас. Деэтимологизируйтчöм торъякывъяс.

8




2




2




4




4 тема. Öтивежöртаслун (моносемия) да унавежöртаслун (полисемия). Уна вежöртаса торъякывъяслöн лексико-семантическöй тэчас. Вежöртас вариант йылысь тöдчöдöм. Полисемия сикасъяс. Комиа-роч кывкудъясын полисемия петкöдлöм-пасйöм. Вежöртас вариантъяс костын йитöдъяс, вежöртас вариантъяс сикасалöм.

10




2




2




6




5 тема. Торъякывъяслöн веськыд да вуджöдöм вежöртасъяс. Метафора да метонимия кыдз ним сетан позянлунъяс (вторичнöй номинация). Метафора, метонимия да синекдоха сикасалöмъяс. Метафоралöн да метонимиялöн художествоа сёрниын тöдчанлун.

8




2




2




4

3

3 юкöд. Торъякывъяслöн вежöртас боксянь йитöдъяс.

1 тема. Коми кывйын омонимъяс, налöн сикасъяс. Öткодь шытэчаса да уна вежöртаса кыв вежöртас вариантъяс торйöдöм. Омонимъяслöн лоöм-артмöм. Сёрниын налöн тöдчанлун. Художествоа гижöдъясын омонимъясöн вöдитчöм.



6






2






2






2




2 тема. Лексико-семантическöй парадигматика тöдчöдöм. Синонимъяслöн сикасъяс. Синоним рад йылысь тöдчöдöм. Уна вежöртаса кывъяс да синонимъяс. Сёрниын синонимъяслöн тöдчанлун, коланлун, налöн чужöм-артмöм да паськалöм. Художествоа гижöдъясын синонимъясöн вöдитчöм.

8




2




2




4




3 тема. Коми кывйын антонимъяс. Вежöртас серти сикасалöм. Паныд вежöртаса кывъяс да полисемантъяс. Сёрниын антонимъяслöн тöдчанлун. Художествоа гижöдъясын антонимъясöн вöдитчöм.

8




2




2




4

4

4 юкöд. Коми кывворлы функционально-социальнöй дон сетöм.

1 тема. Вöдитчан тшöкыдлун серти коми лексика видлалöм (активнöй да пассивнöй лексика). Пассивнöй кыввор сикасалöм. Выль торъякывъясöн коми лексика озырмöдöм. Художествоа гижöдъясын пассивнöй кывворлöн бергалöм, сылöн тöдчанлун.



6






2






2






2




2 тема. Коми кыв лексика вöдитчан кытш сертиыс видлалöм. Диалектизмъяс, профессионализмъяс, терминъяс. Коми терминъяс сöвмöм. Диалектизмъяслöн, профессионализмъяслöн, терминъяслöн художествоа сёрниын тöдчанлун да коланлун.

8




2




2




4




3 тема. Стилистика рöм серти коми кыввор торйöдöм. Нейтральнöй да стилистика рöма торъякывъяс. Сьöлöм кылöм петкöдлысь да донъялана кывъяс. Вöдитчан сёрни стильяс сикасалöм да тайö стильяслы лöсялан лексика. Художествоа стильлöн аслыспöлöслун.

8




2




2




4




4 тема. Коми кыв лексика чужöм-лоöм серти видлалöм. Збыль (исконнöй) коми лексика чужан кад сертиыс торйöдöм: урал подув кывса, фин-угор подув кывса, фин-перым кывса, перым подув кывса, öтувъя коми да ас коми (зыряна) лексика.

6




2




2




2




5 тема. Коми кыв лексикаö мукöд кывйысь пырöм лексика. Медся важся пырöм кывъяс (индоевропаса, индоиран, булгар, вепс-карел, самодий, угор). Роч кывйысь пырöм лексика. Заимствуйтöмлöн тшупöдъяс.

6




2




2




2

5

5 юкöд. Коми лексикография.

1 тема. Коми лексикография тöдчöдöм. Коми кывкуд сикасъяс тöдчöдöм. Öнiя коми кывкудъяс. Коми лексикографиялöн сöвмöм.



6






2












4

6

6 юкöд. Коми фразеология.

1 тема. Коми фразеология тöдчöдöм. Фразеологизмъяссö мукöд кыв единицаысь торйöдöм. Фразеологизм признакъяс. Фразеология вежöртас, сылöн кыввор вежöртасысь торъялöм. Фразеологизмлöн пытшкöсса формаыс.



4






2












2

2 тема. Фразеологизмъяслöн системнöй признакъяс. Налöн грамматическöй признакъяс, тэчас. Коми фразеологизмъяслöн вариантъяс.

8




2




2




4

7

7 юкöд. Торъякывлысь лексика анализ вöчöм.

1 тема. Торъякывлы лексика анализ сетöм. Лексика боксянь текст видлалöм.



6












2






4



Ставнас


128




36




32




60


следующая страница >>