uzluga.ru
добавить свой файл
1


КОМИ РЕСПУБЛИКАСА КУЛЬТУРА МИНИСТЕРСТВО ЙЫЛЫСЬ ПОЛОЖЕНИЕ


I. Панас


1. Коми Республикаса культура министерство (водзӧ - Министерство) лоӧ Коми Республикаса олӧмӧ пӧртысь власьт органӧн, коді культура, искусство, библиотека да музей удж, кинематография юкӧнын (водзӧ - культура да искусство юкӧнын) лӧсьӧдӧ да збыльмӧдӧ канму политика, ладмӧдӧ нормативнӧй инӧда удж, Коми Республикалӧн киын кутан культура наследие объектъяс видзӧ, наӧн вӧдитчӧ, йӧзӧс тӧдмӧдӧ, культура наследие объектъяс видзан, наӧн вӧдитчан, йӧзӧс тӧдмӧдан да канмусянь видзан юкӧнын сетӧ канму услугаяс, а сідзжӧ лоӧ Коми Республикаса олӧмӧ пӧртысь власьт уполномочитӧм органӧн, коді нуӧдӧ культура наследие объектъяс видзан, наӧн вӧдитчан, йӧзӧс тӧдмӧдан да найӧс канмусянь видзан юкӧнын канму контроль.

Министерство збыльмӧдӧ Россия Федерацияӧн сетӧм уджмогъяс федеральнӧй эмбурса культура наследие объектъяс видзан, наӧн вӧдитчан, йӧзӧс тӧдмӧдан юкӧнын, да канмусянь видзӧ федеральнӧй тӧдчанлуна культура наследие объектъяс, кодъяс пырӧны Коми Республика мутасӧ (культура наследие торъя объектъяс кындзи, кутшӧмъясӧс урчитӧма Россия Федерацияса Веськӧдлан котырлӧн лыддьӧгын).


II. Медшӧр могъяс


8. Министерстволӧн уджын медшӧр могъяс:

1) збыльмӧдны гражданалысь инӧдъяс Коми Республикалӧн культура олӧмын участвуйтӧм вылӧ да культура донаторъяс дорӧ сибалӧм вылӧ;

2) лӧсьӧдны культура донаторъяс видзӧм, лӧсьӧдӧм, йӧзӧдӧм, туялӧм вылӧ, Коми Республикаса олысьяслысь творческӧй позянлун сӧвмӧдӧм вылӧ условиеяс;

3) культура наследие объектъяс видзны, наӧн вӧдитчыны, йӧзӧс тӧдмӧдны, канмусянь видзны.


Коми Республикаса Веськӧдлан котырлӧн

2012 во урасьӧм тӧлысь 13 лунся 44 №-а

шуӧмысь юкӧн